800 cabodaño d’a baralla de Muret

Publicado: 2013/09/22 de QK en Aragón / Aragoi, politica / politika
Etiquetas:, , , , , , , ,

aragoneses.en.Mureth

O diya 12 de setiembre, en o 800 cabo d’año d’a baralla de Muret / Murèth, a organización d’a cucha reboluzionaria Ozitana, Libertat, y o conchunto d’a cucha independentista aragonesa agrupada en o Bloque Independentista de Cuchas (A Clau Roya, A Enrestida, Purna, Puyalón de Cuchas y Unibersidá) han quiesto remerar de conchunta ista calendata tan siñalada en o sino d’os nuestros pueblos.

Cartel-Aragon-MurethOzitania y Aragón son dos pueblos que comparten sieglos d’istoria, y ye que por dezenios funzionoron como un mesmo pueblo. No ye d’estraniar, dau que a cordillera pirenenca, encara que pueda parixer que los desepara en lo fisico, en berdá los amana y fa posible que as influyenzias d’uns sobre atros y bezibersa se den en camatón de fautors. A diya de güe i hai prou d’aspeutos que compartimos, estando a istoria en común d’os nuestros pueblos uno d’os lazos d’unión más importáns.

O 12 de setiembre de 1213, soldaus ozitáns y d’a Corona d’Aragón libroron debán de l’exerzito franzés una d’as barallas que abría de dezidir o mapa europeu d’ixa espuenda. Ista confronta, que tenió puesto en un planerón d’a localidá de Muret, a bels doze kilometros a o sur de Tolosa, estió a zaguera en a quala yera posible esfender a independenzia d’Ozitania d’a conquista d’o rei de Franzia. Contra tot pornostico, l’exerzito ozitano-aragonés perdió a baralla, morindo en a mesma entre 15.000 y 20.000 presonas, entre ellas o rei d’Aragón, Pedro II.

O disastre en a baralla de Muret y, a l’arreu, o tratau de Corbeil (1258) senificoron a fin d’a rilazión politica d’a Corona Aragonesa con as tierras d’Ozitania. Pero no a fin d’a rilazión entre a chen d’istos dos pueblos. Fruito d’as Alterazions de 1591 y os Decretos de Conquista de 1707, Aragón tamién disparexió como ente politico soberano y prenzipió a sufrir igual como a Ozitania conquerida por os franzeses. Una lenta pero inesorable perda d’a suya cultura, a suya luenga, a suya istoria y a suya identidá como pueblo.

territorios-Midi-Pedro-II-AragonA diya de güe, l’ozitano y l’aragonés sufren a discriminazión d’os estaus franzés y español, rebaxando as luengas propias d’os nuestros territorios y forzando istas a la suya disparixión. Beyemos cómo los territorios sufren a esplotazión, en o más puro estilo colonial, d’os suyos recursos naturals, relegando a la poblazión a simples espeutadors d’a destruzión d’a suya tierra.

En o 800 anibersario d’a baralla de Muret no cal fer acordanza so que d’a efemeride d’un capetulo fusco d’a nuestra istoria, sino que s’ha de fer serbir ta rebiscolar as biellas alianzas d’os nuestros pueblos. Nomás que asinas podremos enfrentar en común o colonialismo d’o nuestro tiempo, en o cualo los antigos reis despotas ban güe acotraziaus de “trache y crobata” u partizipan d’a OTAN y o FMI.

A ozitáns y aragoneses mos cal conformar un fren de luita ta salir d’os nuestros respeutibos marcos estatals ta asinas poder articular de conchunta con más pueblos un exe de luita común. Ye ora de rescatar biellas alianzas y encarar chuntos un nuebo eszenario an poder ser pueblos libres.

[Fuen: AraInfo]

comentarios

Deja un comentario

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s