Pitarricas en Gipuzkoa (2)

Publicado: 2013/07/16 de QK en Aragón / Aragoi, Basconia / Euskal Herria, foticos / argazkiak
Etiquetas:, , , , ,

SANYO DIGITAL CAMERA

Dimpués de trotar por meya “Onddarbi, Pau y Gemi se fan una cofladeta en o Paseyo Maritimo ta prener una mica de sol con Hendaia de fundo, mientres a txalupa que chune a dos localidaz fa camín por a ría.

Hondarribia-sarrera SANYO DIGITAL CAMERA SANYO DIGITAL CAMERA

Menos de sais oras de suenio estioron prou ta reprener fuerzas dimpués d’o tute que mos ébanos fotiu a nuei anterior; caleba aprofitar o tiempo, que un cabo i semana pasa ascape y, antiparti, ye sabiu que as presonas intelichens se chitan tardi y duermen poco 😉 Dimpués d’un desayuno tardano y frugal, plegábanos en Hondarribia a la ora que os suyos arraunlaris ganaban la II Bandera Eusko Label en Donosti. Dentremos en a ziudá fortificada por a Puerta de Santa María y, dimpués de fer a tradizional fotico de l’Otel d’o Bispe, puyemos por a Carrera Mayor u Kale Nagusia.

Hondarribiko kale Nagusia SANYO DIGITAL CAMERA SANYO DIGITAL CAMERA SANYO DIGITAL CAMERA

Posada en a chiqueta esplanada que’n i ha debán d’a ilesia parroquial, Paula en tien dezaga: a la dreita, a casa más biella d’o lugar (sieglo XIII) y a la cucha, o Palazio Zuloaga. A Plaza d’as Armas ye unatro d’os cantóns más pinchos d’a ziudá; astí bi ye o mazacote conoxiu como Castiello de Carlos V, anque a fortificazión primichenia s’atribuye a Sancho Abarca (qui, por zierto, estió conde d’Aragón antimás de rei de Nabarra).

47-Hondarribia.Arma.Plaza

(Ista afoto ye amprada de Europa en fotos, que cal fer onra a l’autor. Tamién en tenez un puyal de bidios prou majos en Hondarribia.com.)

SANYO DIGITAL CAMERA SANYO DIGITAL CAMERA

Pero, ta yo, o txoko u cantón más repoliu de toda Fontarrabia ye, sin garra duda, a Plaza de Gipuzkoa u Plaza d’as Catenas, por a cuala se’n baxa enta o bico d’os pescataires, conoxiu como La Marina. En íste, más que más, en a Carrera de San Pietro, s’acamatonan multitú de tabiernas y jatetxes en do se puede espleitar d’a seleuta gastronomía local; ixo en faziemos nusatros, que ya mos lo merexébanos. Dimpuesas, un chiquet discanso en o Paseyo Maritimo, y torna a puyar t’a Parti Biella ta beyer a muralla y a Puerta de San Nicolás, ta rematar en o casetón de bechilanzia, que carauteriza toda la fortificazión.

SANYO DIGITAL CAMERA SANYO DIGITAL CAMERA SANYO DIGITAL CAMERA SANYO DIGITAL CAMERA

Dimpués d’a pechada que mos ébanos clabau, dezidiemos tornar-ne en altobús, pero con a enchaquia d’o festibal de blues que yera zilebrando-se-ie, eban canzellau bellas paradas, asinas que teniemos que fer un biacruzis zaguer ta trobar-ne una que funzionase (y lo faziemos chitando churamentos y maldezindo lo “blues de l’altobús” :D). As pitarricas teneban que tornar ta Pueyo y ta Güesqueta, asinas que no mos en bagaba que ta rifrescar-nos una miqueta en casa antis de que pillasen o auto. Bueno, a beluna le bagó ta más cosas… ;D

En fin, un goyosismo cabo de semana que pasó en un chufliu y que’n dixó muitas cosetas pendéns ta una tornada que aspero que siga contra más lugo, millor. Ya tos foi de menos, filletas mías :’)

comentarios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s