SANYO DIGITAL CAMERA

Con a meya tostada que ya trayébanos d’Alde Zaharra, u siga, d’a Parti Biella donostiarra, Gemeta y Pauloka fan unas moflas ta la posteridá, antis de dentrar en Petritegi. Y o millor yera encara por plegar!

Creigo que no’n pué esistir satisfazión más gran ta un profesor que continar tenendo una güena rilazión con os suyos alunnos y alunnas dimpués de rematada la suya escolanía. Por ixo, ista zaguera semana ha estau asabelo de goyosa ta yo, pos si o lunes repreneba o contauto con Cristina (una quiestisma alunna de fa más de bente añadas, d’o mío primer curso en a Laboral de Zaragoza), o cabo de semana beniban a besitar-me Paula y Gemma, dos “filletas” de Pueyo De Fañanars a qui les dié clase en Güesqueta fa ya más de diez años :’)

SANYO DIGITAL CAMERA SANYO DIGITAL CAMERA SANYO DIGITAL CAMERA SANYO DIGITAL CAMERA

Dimpués de pretar-nos en casa un hamaiketako (que fazió as bezes d’amuerzo y chenta) a base de caldereta de corder y sukalki, y fer-nos bels traguez ta rebaxar-lo, pillemos o Topo ta fer una gambadeta aprezisada por Donosti, antis d’a sinescusable zena de sidrería. Dende os repolius chardins d’a Plaza de Gipuzkoa, podioron beyer an s’amaga o trapo español que o nuestro güen Garitano se beyió forzau a ficar en a Deputazión Foral por imposizión d’a “chustizia” de l’estau zentralista opresor. Dimpués, en baxemos ta Alderdi Eder, ta beyer o edifizio d’o Conzello (Udaletxea) y o biello puerto u kaia donostiarra.

SANYO DIGITAL CAMERA SANYO DIGITAL CAMERA SANYO DIGITAL CAMERA

L’Aquarium yera trancau, pero a Pau le faltó una mica ta ubrir-lo ta nusatros solos :’D Bi estiemos un inte espleitando d’a repolida ambiesta d’a Kontxa y a Isleta de Santa Clara, y mesmo podiemos contemplar as estropadak u regatas que bi eba (creigo que d’a Bandiera Eusko Label); a puyada ta l’Urgull la dixemos ta una benién ocasión. Continemos petenando por o Paseyo Nuebo, o museyo de San Telmo y o puen d’o Kursaal, en do compartiemos a opinión de que ixos zaborros fierismos de Moneo sólo fan onra que como contraste con a belleza d’a resta de Donosti.

 09-kursaal.jpg SANYO DIGITAL CAMERA 10-etxaniz.jpg

Yera ora de fer-nos bel poteo por a Parti Biella y prou que no podeba dixar de lebar-las enta la Herriko Taberna y a carrera Fermin Kalbeton kalea (cuala en tien a más gran proporzión de taskas por metro cuadrau d’Europa). En ella, yera impribable a paradeta en o entrañable Etxaniz, ta tastar-ie as suculentas cocretas de txipi con unos txakolinak; ista begada no bi abió a tipica afoto con o bokata de serrano-roke (caleba alzar güeco en a pancha t’a zena), pero en cambio, bi amanixe tamién o risueño Mikel, qui m’ha biesto lebar ta la suya taska a os míos amigos dende que la descubriemos Anabel y yo, allá en o 1992. Dimpués encara mos bagó t’aturar en o Txondorra, an que Pauloka quereba tastar a brocheta de tiburón; pero no en i eba, asinas que la cambeyemos por unatra de canguro. Ta qui conoxca iste jatetxe, ya se’n pué prexinar a mezcla esplosiba que risulta d’o salero de Paula y a chuzonería d’o cambrero; pena que o tiempo mos engalzaba y tenésenos que marchar abentaus ta pillar o bus, camín d’Astigarraga.

SANYO DIGITAL CAMERA

A penar de tó, agún i pleguemos con tiempo ta fer o melonzio en o tolare que han clabau en a dentrada de Petritegi; Pau quereba prensar a Gemeta, a bier si en saliba güen suco ta remullar a gargamela, pos a puyada ta la sagardotegi mos eba feito resecor, pero a Gemma no l’aimó guaire a ideya 😀

SANYO DIGITAL CAMERA 12-prensa-1.jpg SANYO DIGITAL CAMERA

Mos abalemos os churizicos d’apetitibo sin tiempo ta fer-les afoto y, dimpués d’un par de biaches “de prautica” ta o txotx, ya i tenébanos a tortiella d’abadejo presta ta fincar-le o dien.

SANYO DIGITAL CAMERA SANYO DIGITAL CAMERA SANYO DIGITAL CAMERA SANYO DIGITAL CAMERA

Feitas ya unas espertas en o manullo d’o baso, fuemos catando todas as kupelas que ubriban, sin dixar de parar cuenta de cuán trayeban o bacalau con pimientos, que contina estando lo millor de todas as sagardotegis. O mesmo pensaba la parella de donostiarras que zenó chunto a nusatros, y que podez beyer en l’afoto mientras a mesma filla de Petritegi l’esplanica a Paula cómo se feban ixos tonels tan granizos. Ta rematadera, en sentir o sinconfundible azento de Pauloka, mos s’amanó un siñor de Zaragoza que s’eba namorau de Donosti dende a primer bez que binió y lebaba camatón d’años ya bibindo en ista paradisiaca ziudá (…qué familiar me se’n fa!).

SANYO DIGITAL CAMERA SANYO DIGITAL CAMERA SANYO DIGITAL CAMERA SANYO DIGITAL CAMERA

Total, que ixo yera o que’n faltaba ta que Pau fese gala d’as suyas dotes de cantaire (no pordemás ye una Lafita), y ascape empezipió con a ya tradizional jota chesa “S’ha feito de nuei“, que metió los pels como escarpias a toda la chen que bi estaba.

SANYO DIGITAL CAMERA SANYO DIGITAL CAMERA SANYO DIGITAL CAMERA SANYO DIGITAL CAMERA

A txuleta binió que ni pintada ta reponer fuerzas y no’n perdonemos ni a pizca más chiqueta. Astí ye a tipica fotico radendo lo “güeso pelau” y tamién a de Gemeta minchando cartón :’D (bai, que la fa goi a chulla asabelo de churruscada).

SANYO DIGITAL CAMERA SANYO DIGITAL CAMERA SANYO DIGITAL CAMERA

No ye desacherau dizir que Pauloka estió l’alma d’a fiesta: astí podez beyer cómo le s’amanaban os almiradors ta felizitar-le por o suyo canto y o suyo salero natural. Cuasi marchamos sin fer-ie a clasica afoto d’o txotx en os “apostoles” (una uzena de kupelas más txikis con a millor sidra d’a sagardotegi, que son en una caba chiqueta y alpartada), pero a la fin la saquemos.

SANYO DIGITAL CAMERA SANYO DIGITAL CAMERA SANYO DIGITAL CAMERA

Encara en mancaba o postre! Os zigarricos y as tellas de Tolosa, o queso d’Idiazabal con bembrillo y as nuezes. Fambre no en feba, pero l’angluzia –y o güeno que en yera tó– fazió que dixásenos os platos lasos. Os cafez y os patxarans cayoron en o pub que bi ha debaxo, pero a falta de fumarros mos menó a meter-nos en marcha ta pillar bizio. Agún en teniemos suerte y trobemos un gautxori (bus nueiturno), asinas que rematemos fendo-nos bel litraco en o Txiki, un garito jebilondio d’a carrera San Lorién (…qué güesqueta, eh!?). Cuan queriemos parar cuenta, yeran as zinco coladas, asinas que marchemos ta pillar o Topo de tornada ta casa, que o diya benién caleba aprofitar-lo ambute.

O biache en o Topo tamién en daría ta escribir una falordia, pero d’ixo no’n i ha afotos y queda ta la intimidá d’os protagonistas ;D

Maitín, más…

Anuncios
comentarios
  1. […] sais oras de suenio estioron prou ta reprener fuerzas dimpués d’o tute que mos ébanos fotiu a nuei anterior; caleba aprofitar o tiempo, que un cabo i semana pasa ascape y, antiparti, ye sabiu que as presonas […]

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s