Goyo t’a bista y ta l’esmo

Publicado: 2012/03/16 de QK en Aragón / Aragoi, atros / besteak, foticos / argazkiak
Etiquetas:, , , ,

Muita chen pelegrina dica Uluru, ixe chigán cantal royo que i ye clabau en meyo d’Australia, pero pocos pueden plegar a beyer-lo a trabiés d’os güellos d’otri. [© Robert Spanring]

Eruzión d’o Cordón del Caulle: tremor d’a tierra en tormento, garrampas d’o firmamento. [© Ricardo Mohr]

Trembía en Nueba Orliáns: o mundo a dos belozidaz. [© Don Chamblee]

Un inasperau efeuto d’as garonas de 2010 en Sind, Paquistán, estió que millóns d’arainas puyoron ta os árbols ta escapar d’as crexidas; como as auguas tardoron muito en recular ta o suyo lebel, muitos árbols rematoron embolicaus de raso en tirarainas. [© Russell Watkins]

A Tuca d’o Can (Hundstein) alufra dend’alto l’Ibón de Zell (Zeller See). L’autor d’a foto dio sepoltura a o suyo can en iste laco ta que tenese a lapida más gran posible. (Por zierto, que escribió en a suya nota os nombres como “fèllensee” y “hundstei”, pero semos muitismo pitos y los emos trobau de todas trazas, jeje) [© Nino Benninger]

Un cañón escupe una plebia d’espurnallos en a ripresentazión d’a Guerra Zebil en Moorpark. [© Robert Jensen]

Podría estar unatro d’ixos fastiosos edifizios de Frank Gehry, pero no ye que os penibles efeutos d’un tornau en Mapleton, Iowa. [© Timothy Wright]

O bico de Gion, en Kyoto, ye uno d’ixos pocos puestos en do encara puez acolar-te en as antigas tradizións chaponesas y xublidar-te d’a barafundia de luzes de nión que afogan a resta d’o país; mesmo si en tiens de suerte, puez trobar beluna d’as zagueras geishas que esisten mientres ban camín d’a suya prosima zita. [© Clancy Lethbridge]

Frior d’ibierno, puncho de chelo, mesmo a l’arambre l’ariza o pelo. [© Sara Worsham]

Un pex bariella cobando a freca en a suya boca.  [© Steven Kovacs]

En otubre, Dubai gosa amanixer enronau en una boira preta que embolica mesmo los más alteros edifizios d’ista ziudá antinatural. [© Catalin Marin]

A la zebra no l’alticama pon ixa boira lenticular porque no creye en “platiellos boladors”. [© Dmitry Gorilovskiy]

Un árbol solenco sobrebibe un ibierno más en o Parque Nazional de Yellowstone. [© Anita Erdmann]

O rayos d’o sol cuentra l’arena que caye prebocan iste efeuto pantasmal en a Renclusa de l’Antilope. [© Angiolo Manetti]

Raya l’alba a trabiés d’o Templo d’a Transizión, mientres o Festibal de l’Ombre Rusién de 2011. [© Lars Tiemann]

Ista ye una triga d’as fotografías que más m’han embelecau entre as muitas obras d’arte que se presentoron a o concurso d’o National Geographic de l’añada pasada. Las he pillau de In Focus, y aspero que no me nimbíen a l’FBI ta engarcholar-me por no rispetar o copyright 😛

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s