Firefox ya ye en aragonés!

Publicado: 2012/02/08 de QK en Aragón / Aragoi
Etiquetas:, , , ,

L’asoziazión Softaragonés ha presentau as suyas dos nuebas alportazions ta o mundo d’o software en aragonés, asinas como a suya nueba pachina web. O nabegador Firefox, o segundo más estendillau en o rete, ya ye traduziu de tot a l’aragonés en Windows, Linux y Mac y se puede fer serbir como luenga prenzipal ta nabegar por Internet, grazias a la faina desintresada de l’asoziazión. Amás, tamién s’ha presentau a traduzión de Skype, a popular plataforma de trucadas por IP en as bersions de Windows y Linux.

O Mozilla Firefox ye un nabegador web gratuito, de codigo ubierto, basau en o codigo desembolicau en o proyeuto Mozilla.org. As suyas carauteristicas prenzipals son a rapidez y a fazilidá d’istalazión y d’emplego. Ye una aplicazión muito lichera y rapida, de vez que cumple con os estandars mas importans d’Internet.

O Firefox incorpora un gran numero de funzions que en fazilitan l’uso: plenamén funzional nomás que con o teclau, barra de ferramientas personalizable, almenistrazión de marcapachinas, integrazión de rechiradors, blocache de finestras emerchens no requiestas, nabegazión rapida en pestañas deseparadas ta cada web besitada, chestión de contraseñas, escarriadura automatica y simpla d’archibos, ezt.. Ta istalar o locale d’a traduzión a l’aragonés cal siguir as istruzions que amanixen en o mesmo wiki de softaragonés, asperando que lugo se pueda trigar a istalazión en aragonés dreitamént dende Mozilla.

Softaragonés tamién ha feito una replega de parolas teunicas y a suya adautazión a l’aragonés ta fazilitar l’emplego d’istas parolas en nuebos proyeutos de traduzión. L’asoziazión Softaragonés ye una organizazión sin animo de lucro que mira de fomentar l’emplego de l’aragonés en internet y as nuebas teunolochías. A suya autibidá mas importán ye a localizazión de software, ye dizir, a traduzión y adautazión de programas informaticos ta que puedan fer-se serbir en aragonés, y se pueda emplegar en ellos a luenga aragonesa con total funzionalidá. Les se puede siguir en a suya  pachina web, en o suyo wiki, y a trabiés d’os retes sozials, en twitter u en Facebook.

[Fuente: Arredol]

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s