Test de presonalidá

Publicado: 2011/06/21 de QK en Aragón / Aragoi
Etiquetas:, , , ,

Tiens una presonalidá madura? Contesta SI u NO a cada pregunta:

1. Cumples siempre o que prometes?

2. Te dixas lebar por os tuyos impulsos, sin estar capaz de regular-los?

3. Piensas que tot te ye premitiu?

4. Fuyes con fazilidá d’as tuyas risponsabilidaz?

5. Trafucas a ormino a espontanidá con l’autentizidá?

6. Yes esconfitau en o trato presonal?

7. Te fa medrana embrecar-te?

8. Bibes a la tuya bola, sin garra proyeuto presonal?

9. Cambeas fazilmén de dezisions, encara que ixo supose una esleyaltá?

10. Precuras “quedar bien”, independienmén d’os tuyos compromises anteriors?

11. Toleras as frustrazions sin plegar a trafegar os nierbols?

12. Te cuaca estar independién por denzima de tot?

13. Persigues a toda costa l’esito presonal, anque ta ixo tiengas que arranar os dreitos d’os otris?

14. Creyes que puez cambear d’amistanzas como qui cambea de gambeto?

15. Creyes que os tuyos amigos pueden predizir as tuyas riazions si en conoxen as zercustanzias?

16. Refusas cumplir con as tuyas obligazions cuan ixo suposa bella esmaxinada u no te fa goyo fer-lo?

17. Trafucas a ormino lo que quiers con o que t’agana?

18. Creyes que dominar os impulsos ye una mena de represión?

19. Te cuesta concarar as consecuenzias d’as dezisions tuyas?

20. Precuras controlar-lo tot ta no sentir-te insiguro?

———————————————–

Balurazión:

Suma un punto por cada rispuesta positiba y resta un punto por cada rispuesta negatiba, eszeuto en as preguntas 1, 11 y 15, en que cal fer-lo de rebiés (si has contestau “SI”, resta un punto y si has contestau “NO”, suma-lo)

Menos de 6 puntos: Sapes o que quiers y quiers o que fas. A tuya costanzia contrimuestra una gran estabilidá en as dezisions que prenes. Antimás, sapes estar leyal, alzar un secreto, relatibizar a balura de l’esito y controlar os tuyos impulsos.

De 7 ta 11 puntos: A tuya madurez no plega a estar plena; encara puede amillorar. Ta ixo, no refuses asumir as tuyas risponsabilidaz, no cambees tanto d’opinión, controla más os tuyos impulsos, sé más leyal con os tuyos compañers y no temas embercar-te si creyes que o proyeuto merexe a pena.

De 12 ta 20 puntos: Parixe que has enzertau en eslexir l’estilo de bida que te carauteriza; manimenos, yes pleno de medranas y, asinas, puez endurar as consecuenzias d’a tuya inmadurez (insiguridá, esconfitanza, manca de risponsabilidá…). No sigas tan condeszendién ni tan dependién d’as presonas que t’arrodían. Precura tener ideyas propias y no t’abergüeñes d’ellas.

[Fuen: Prexinallo Berde #86]

comentarios
  1. afilla dice:

    Menos de 6 puntos: Sapes o que quiers y quiers o que fas. A tuya costanzia contrimuestra una gran estabilidá en as dezisions que prenes. Antimás, sapes estar leyal, alzar un secreto, relatibizar a balura de l’esito y controlar os tuyos impulsos.

    uu q mal esta esto….si dice q soy maduraaa

  2. peru dice:

    jojojo obsesed with questioning 🙂 jajajaa un peru

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s