Pura rasmia aragonesa, antimás de casta, guapura y un chorro de boz como un lurte, ye o que tien Belén Fuertes Lafita, a zagaleta d’onze años que amanixe en l’afoto chunto a sus yayas Luz y Alizia, ganadora d’o concurso infantil de canto d’o pograma “Dándolo todo Jota” d’Aragón Telebisión. Antimás, ye cosina de Pauloka, antigua alunna y una d’as mías “fillas” más quiestas, con o que me s’ha feito muito más difízil pribar bella glarimeta furtiba en beyer y sentir o suyo bidio :’)

Belén, con os traches de Chasa y Fraga, entrepretó cuatro ixotas (“Ya se contempla el Pilar“, “La fiera“, “Una luz que me alumbraba” y “Trabajando sin respiro“) que eba parau con a su tía y profesora Mari Luz Lafita, reconoxida figura d’o folklore aragonés. A mozeta, que leba toda la suya bida en o mundo d’a ixota, y pertenexe a la colla mosical Estipe de Aragonia, ya eba ganau d’antis atros concursos (como lo XIX zertamen “Ciudad de Huesca” de 2010) y gosa quedar finalista en o Pilar.

Bienga, no m’embolico más. Antiparti de deseyar-le os más grans trunfos en o canto y en a suya bida, astí tenez o bidio d’a ixota que cantó en bibo en o pograma “Sin ir más lejos“:

O primer bidio d’os seis en os que ye trestallau “Dándolo todo Jota” (a resta podez trobar-la en YouTube, en a colunna d’a dreita):

Y a notizia d’a suya bitoria en o Diario del Alto Aragón y en o Heraldo.

comentarios
  1. […] o que’n faltaba ta que Pau fese gala d’as suyas dotes de cantaire (no pordemás ye una Lafita), y ascape empezipió con a ya tradizional jota chesa “S’ha feito de nuei”, que […]

Deja un comentario

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s