O flaire y o mercader

Publicado: 2010/11/19 de QK en Aragón / Aragoi, trigas / aukerak
Etiquetas:, , , , ,

Os franziscanos gosan fer bels periodos d’ayuno; asinas, no minchan carne cuan i son en o monesterio, pero cuan son de biache, como biben d’a caridá d’os otris, pueden minchar tot o que les den. Dos d’istos flaires, biacheando en istas condizions, dentroron en una posada en compañía d’un mercader y se i posoron a la mesma mesa. Como a posada yera pobre, no les sirbioron que un pollet rustiu prou chicorrón. Beyendo lo mercader que ixo estarba prou radiu mesmo ta él solo, dizió a os flaires:

“–Si no me’n remero mal, bustez no minchan garra pizca en o monesterio por iste tiempo…”

Os flaires tenioron que dar-le a razón y o mercader s’abaló lo pollo antero entre que a istos les feban chiribitas os güellos.

Dimpués d’a chenta, os tres continoron fendo chuntos o camín. Andoron un güen treito y plegoron ta un río prou amplo y fundo. Como los tres iban a pie ixuto –os flaires por a suya pobreza y o mercader por zicatería–, seguntes o suyo regle, uno d’os flaires teneba que cruzar con o mercader en corderetas. Y asinas lo fazió. Pero, en beyer-se en metá d’o río, remeró unatro regle d’a orden suya y, aturando-se-ie como un san Cristofo, debantó los suyos güellos enta qui lebaba denzima y le dizió:

“–Siente, no en lebarás de diners?”

“–Profés que en lebo! –dizió lo mercader. “Cómo te s’escurre que un mercader como yo baiga sin garra perra?”

“Pos bien, –dizió lo flaire– o nuestro regle mos bieda de raso lebar pon de diners denzima”. Y l’arrulló ta l’augua.

O mercader, parando cuenta de que yera una groma en rebancha por o que les eba feito en a posada, con un chiquet riso y a cara bella mica roya, enduró pazificamén a benganza.

Leonardo da Vinci, Aforismos.

[Bersión en aragonés d’Antón Chusé Gil, publicada en Flecas. Bersión en castellano, AQUÍ]

Share

Deja un comentario

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s