Manolo García canta en aragonés

Publicado: 2010/02/19 de QK en Aragón / Aragoi, mosica / musika
Etiquetas:, , , , ,

Encara soi enluzernau (y con os pels como escarpias) dimpués de trobar iste bidio en o que Manolo García, l’antigo enfilador d’o mitico grupo “El último de la fila”, interpreta en aragonés a canta “Mai”, adedicando-le-ne a José Antonio Labordeta. A bersión orichinal d’iste poemeta d’Anchel Conte fue a de Mario Garcés, en o primer (y unico) disco en formato LP publicau en aragonés, “Fendo Camín”, allá por 1983.

Dimpués m’he remerau d’a bersión d’o propio Labordeta (chunto con Gabriel Sopeña) en o suyo disco “Con la voz a cuestas”. Podez ascuitar-la aquí.

MAI

Mai, mira-me as mans;
as trayo buedas,
lasas d’amar…
Son dos alas
d’un biello pardal
que no puede
sisquiera bolar.

Mai, mira-me os güellos,
n’o zielo perdius
n’un fundo silenzio…
Son dos purnas
chitadas d’o fuego
que no alumbran
ni matan o chelo.

Mai, mira-me l’alma
aflamada de sete,
enxuta d’asperanza..
Ye un campo labrau
an no i crexen qu’allagas
que punchan a bida
dica que la matan.

Mai, mira-me a yo.
Me reconoxes, mai?
Fué o tuyo ninon…
Güei so un ome
que no se cómo so.
Mai, me reconoxes?
Mai, ni sisquiera tú?

Anuncios
comentarios
  1. Rafel dice:

    Antis d’o disco de Mario Garcés, Pilar Garzón publiqué atro LP con bellas cantas – alfayas – en aragonés, que creigo se clamaba Entre Aragón y Castilla. Bella canta la bersionón luego Hato de Foces.

  2. QK dice:

    Muitas grazias, Rafel, por a informazión 🙂
    A pena ye que risulta difizilismo trobar bella informazión sobre ella. Lo más que’n he trobau ye: 30 años cantando a Aragón

  3. Euskaragonés dice:

    En a patxina de Charrando.com ye a kanta de Renaxer e Pilar Garzón, en un trestallo de RadioCharrando.com:

    http://www.radiocharrando.com/sentir.php?tit=Renaxer y Pilar Garzón&doc=files/Icanzionaragonesa.mp3

    Bi han más kosetas en ista adreza:

    http://www.radiocharrando.com/

    Salú e @n@rki@.

  4. Euskaragonés dice:

    Adreza korrekta:

    [audio src="http://www.radiocharrando.com/sentir.php?tit=Renaxer%20y%20Pilar%20Garzón&doc=files/Icanzionaragonesa.mp3" /]

    Salú e @n@rki@.

    • QK dice:

      Milesker / mòran taing / muitismas grazias, Euskaragonés! Komo bien diziba Rafel, en ie una alfaia ke kal kusirar… i espadir.

  5. Euskaragonés dice:

    No kaleba dar-me-ne, QK. Fendo serbir bien o Google trobas kualsikier kosa ke t’intrese.

    Amilloro, tamién, ixe enrastre:

    [audio src="http://radiocharrando.com/sentir.php?tit=Renaxer%20y%20Pilar%20Garz%F3n&doc=files/Icanzionaragonesa.mp3" /]

    Muito bien por ixe eskozés! Yo a Ueska, kuan soi de konya, la clamo “Ueskotland” (higher Highlanders, por os Perinés).

    Salú e@n@rki@.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s